FAQs

• Ինչպե՞ս գրանցվել հիմնադրամի փորձագետների բազայում։

  Աղետների ռիսկի նվազեցման ազգային պլատֆորմի փորձագետների բազայում գրանցվելու համար անհրաժեշտ է ներկայացնել դիմում՝ կցելով ինքնակենսագրական (CV) և մասնագիտական փորձի վերաբերյալ տեղեկատվություն։

  Դիմումը կարող է ուղարկվել էլեկտրոնային փոստով կամ ներկայացվել Հիմնադրամի պաշտոնական կայքի «Կապ մեզ հետ» բաժնի միջոցով։ Դիմումները ուսումնասիրվում են Հիմնադրամի կողմից, և համապատասխանության դեպքում փորձագետի հետ կնքվում է համագործակցության շրջանակային համաձայնագիր, որից հետո ընդգրկվում է փորձագետների տվյալների բազայում՝ հետագա համագործակցության հնարավորության համար։

• Կարո՞ղ են մասնավոր ընկերությունները օգտվել հիմնադրամի ծառայություններից

  Մասնավոր ընկերությունները կարող են օգտվել Հիմնադրամի ծառայություններից։ Հիմնադրամը ունի համագործակցության նշանակալի փորձ բիզնես հատվածի հետ և մշտապես զարգացնում է այդ ուղղությամբ գործընկերային կապերը։

  Աղետների ռիսկի կառավարման և քաղաքացիական պաշտպանության ոլորտներում մասնավոր կազմակերպություններին ծառայությունները տրամադրվում են՝ ելնելով նրանց կարիքներից, ձևավորելով նպատակային և գործնական լուծումներ յուրաքանչյուր կոնկրետ դեպքի համար։

• Ինչպե՞ս կարելի է աջակցել հիմնադրամի գործունեությանը

  «Աղետների ռիսկի նվազեցման ազգային պլատֆորմ» հիմնադրամի գործունեությանը աջակցել կարելի է տարբեր ձևերով՝ կախված հնարավորություններից և համագործակցության ձևաչափից։

  Աջակցությունը կարող է լինել համագործակցային ծրագրերի նախաձեռնման, մասնագիտական փորձի տրամադրման, ինչպես նաև ծրագրերի համատեղ իրականացման միջոցով։ Բացի այդ, կազմակերպությունները և անհատները կարող են աջակցել Հիմնադրամի նախաձեռնություններին որպես գործընկեր և/կամ դոնոր՝ նպաստելով աղետների ռիսկի նվազեցման և դիմակայունության բարձրացմանն ուղղված աշխատանքներին։

• Հիմնադրամը պետական կառո՞ւյց է, թե՞ անկախ կազմակերպություն

  «Աղետների ռիսկի նվազեցման ազգային պլատֆորմ»-ը պետական հիմնադրամ է, որը ստեղծվել է ՀՀ կառավարության կողմից։ Միևնույն ժամանակ, այն ունի ինքնուրույնություն և իր գործառույթներն իրականացնում է անկախ՝ իր կանոնադրության և գործող օրենսդրության շրջանակում։